Almaty oblysynda 152 asyl tuqymdy mal sharýashylyǵy jumys jasaıdy - Ańsar Musahanov
MATY. 28 shilde. QazAqparat /Erlik Erjanuly/ - Almaty oblysynda bıyl asyl tuqymdy mal shaýashylyǵyn damytýǵa respýblıkalyq bıýdjetten 750 mıllıon teńge, al mal ónimderin sýbtsıdııalaýǵa 5,4 mıllıard teńge bólindi.
Keshe Almaty oblysynyń Asy jaılaýynda Elbasynyń qatysýymen ótken oblystyń Eńbekshiqazaq jáne Talǵar aýdandary malshylarynyń sletinde oblys ákimi Ańsar Musahanov osyndaı málimetterdi keltirdi.
"Almaty oblysynda mal ónimderin óndirý kólemi artyp, mal basy men qustardyń sany turaqty ósip keledi. Kóktemgi mal tóldetý naýqany da tabysty ótkizildi. Ár júz analyqtan 103 qozy, 91 buzaý, 88 qulyn jáne 52 bota alyndy. Oblystaǵy mal basyn asyldandyryp, qolda bar tuqymnyń genefondyn saqtaý baǵytynda 152 asyl tuqymdy mal sharýashylyǵy jumys jasaıdy. Múıizdi iri qara etiniń eksporttyq áleýetin arttyrý jobasyn iske asyrý josparyna sáıkes 813 sharýashylyq anyqtalyp, 43 myńnan astam sıyr etti baǵyttaǵy asyl tuqymdy buqalarmen budandastyrylatyn bolady", - deıdi Ańsar Tursynhanuly. Onyń aıtýynsha, oblysta 2011-2015 jyldary 10 myń bas bolatyn 20 asyl tuqymdy repredýktorlardy iske qosý kózdelgen. Onyń 2 myń bas quraıtyn úsheýi aǵymdaǵy jyly óz jumysyn bastaıdy. Búgingi kúnde naqty bir sharýashylyq-repredýktor quryldy. Ol Balqash aýdanyndaǵy 2600 bas quraıtyn "Dınara rancho" fırmasy.
"Osy merzimde 22,3 myń basqa arnalǵan bordaqylaý alańdary qurylýy tıis. Onyń ishinde 5050 bas malǵa arnalǵan bordaqylaý alańy bıylǵy jyly iske qosylady. Endi etti baǵytta 20 myńnan astam bas iri qara ósiretin jańa ferermerlik sharýashlyqtar qurý josparlanyp otyr. Aǵymdaǵy jyly josparlanǵan 6 myń bas mal ósiretin sharýashylyqtardyń 41-i quryldy. Ústimizdegi jyly asyl tuqymdy mal sharýashylyǵyn qoldaýǵa jergilikti bıýdjetten 341 mıllıon teńge bólindi. "Sybaǵa" baǵdarlamasy sheńberinde oblys boıynsha qarjy ınstıtýttaryna 8420 bas iri mal satyp alýǵa 3 mıllıard 430 mıllıon teńge qarjy qarastyrylyp otyr. Osy ýaqytta 91 sharýashylyqqa ónimderge sáıkes 435 mıllıon teńge qarajat bólinip, 1573-ten astam iri qara satyp alyndy", - dedi Ańsar Musahanov.
