Almaty oblysynda 151 sheteldik azamat elden shyǵaryldy
TALDYQORǴAN. QazAqparat - Almaty oblysynyń polıtseıleri «Mıgrant» aldyn alý sharasy aıasynda 400-den astam zańbuzýshylyqty anyqtady, dep habarlaıdy QazAqparat tilshisi.
Almaty oblysynyń tártip saqshylary 1-5 aqpan aralyǵynda «Mıgrant» jedel aldyn alý is-sharasyn júrgizdi.
Arnaıy sharanyń basty maqsaty – elimizge kelgen sheteldikterdiń qoldanystaǵy zańnama talaptaryn qatań saqtaýyn baqylaý, tıisti ruqsatyn berý jáne azamattyq alý isine qoldaý kórsetý.
«Bes kún ishinde elimizdiń zańnamasyn buzýdyń 422 deregi áshkere boldy. Zań talaptaryn óreskel buzǵan 151 sheteldik azamat elden shyǵaryldy. Jeke basyn kýálandyratyn qujaty joq 80 adam qabyldaý-taratý ornyna qamaldy. Elimizde júrip-turý quqyǵy joq 13 TMD azamaty el shekarasynan shyǵaryldy» deıdi Almaty oblysy PD kóshi-qon qyzmeti basqarmasy bastyǵynyń orynbasary, polıtsııa polkovnıgi Elmurat Nurseıitov.
Jedel shara barysynda polıtseıler zańsyz kóshi-qon uıymdastyrýdyń 3 deregin anyqtaǵan.
Qazirgi ýaqytta QR Qylmystyq kodeksiniń 394-babyna sáıkes sotqa deıingi tergeý júrgizilip, istiń mán-jaıy anyqtalyp jatyr.
Sonymen qatar, 183 adam ákimshilik jaýapkershilikke tartylyp, ártúrli somada aıyppul tóleýge mindetteldi.
