Almaty oblysynda 150 saıajaı men balabaqsha sý astynda qaldy
ASTANA. QazAqparat - 27 sáýir kúni jaýyn-shashynnyń shamadan tys jaýýyna baılanysty Almaty oblysy Qarasaı aýdany aýmaǵynda Qyrǵaýyldy ózenindegi sý deńgeıi kóterildi, dep habarlaıdy «QazAqparat» HAA Almaty oblystyq TJD baspasóz qyzmetine silteme jasap.
Sýdyń arnasynyń asýy saldarynan Qyrǵaýyldy aýylyndaǵy saıajaı ýchaskelerin - «Aqsaı-19», «Torpeda», «Trýd», «Polet», sondaı-aq oblystyq mańyzy «Almaty-Jandosov» tasjolynyń 23 shaqyrymyn sý aldy.
Sý tasqyny bolǵan jerlerde Almaty oblystyq TJD jedel toby, Qarasaı aýdandyq TJB qyzmetkerleri (4 adam men 1 tehnıka), Órt sóndirý qyzmeti men TJD apattyq-qutqarý jumysy (20 adam, 3 tehnıka), TJD Jedel-qutqarý jasaǵy (32 adam, 3 tehnıka, 4 júzý qurylǵysy), jergilikti atqarýshy organy (31 adam, 5 tehnıka), Úshqońyrrıgatsııa (6 adam, 2 tehnıka), Qarasaı aýdandyq ortalyq aýrýhanasynyń jedel járdem qyzmetiniń 2 brıgadasy, Qarasaı aýdandyq AІІB (8 adam, 2 tehnıka) jumys jasap jatyr.
Almaty oblystyq TJD-da oblystyq TJD bastyǵy, azamattyq qorǵanys polkovnıgi D.E.Baısarıev bastaǵan jedel shtab quryldy.
Qyrǵaýyldy ózeniniń arnasyn tereńdetý jumystary júrgizilip, AІІB qyzmetshileri Almaty-Jandosov tasjoly ýchaskesiniń eki jaǵyn qorshady jánk Qyrǵaýyldy ózeni ótetin tasjoldyń kópirin tazartty. Ózenniń sýdy ótkizý múmkinshiligi 2,8 tekshe metr, fakt boıynsha - 4 tekshe metr.
Qazirgi tańda 151 saıajaı ýchaskesin sý basty, sondaı-aq «Aqsaı-19», ıAblochnaıa kóshesi №18 mekenjaıynda ornalasqan 50 balaǵa arnalǵan «Bota balalar ortalyǵy» balabaqshasy sý astynda qaldy.
Qutqarýshylar 2 adamdy evakýatsııalady. Sý tasqynynan zardap shekken adamdar úshin Qyrǵaýyldy aýylyndaǵy Ýshınskıı atyndaǵy orta mektepte 50 oryn, 2 avtobýs daıyndaldy. Alaıda, turǵyndar evakýatsııalaýdan bas tartýda.
28 sáýir kúni saǵat 07.00-de sý tasqyny bolǵan orynda saıajaıdardy aralap shyǵý úshin úsh baǵyttaǵy úsh top quryldy.
Zardap shegýshiler joq.
