Almaty oblysynda 15 jastaǵy oqýshy aýyl turǵynyn qaǵyp óltirip, qashyp ketken
TALDYQORǴAN. QazAqparat - Almaty oblysynda 15 jastaǵy oqýshy jaıaý júrginshini qaǵyp, mert qyldy degen kúdikpen ustaldy. Kólik júrgizetin birde-bir qujaty joq jasóspirim oqıǵa ornynan qashyp ketken. Qazir osy faktige oraı Qylmystyq kodekstiń birden úsh baby boıynsha sotaldy tergeý bastaldy, dep habarlaıdy QazAqparat tilshisi.
Oqıǵa Aqsý aýdanynda bolǵan. 30 qańtar kúni Jansúgirov aýylyndaǵy kóshelerdiń birinen 54 jastaǵy jergilikti turǵynnyń denesi tabylǵan. Er azamattyń dene jaraqattarynan kólik qaqqany belgili bolǵan jáne múrde jatqan jerden kóliktiń synyqtary tabylǵan.
«Jedel izdestirý barysynda kóliktiń túsi jáne markasy belgili boldy. Anyqtalǵandaı, «Honda Odısseı» kóligin 15 jastaǵy jasóspirim tizgindep, adam ólimimen aıaqtalǵan oqıǵa ornynan qashyp ketken. Kólikten de jol-kólik oqıǵasy bolǵanyn aıǵaqtaıtyn dálelder tabyldy. Qazir mashına arnaıy turaqqa qoıylyp, qajetti saraptamalar taǵaıyndaldy», - dep málimdedi Almaty oblystyq polıtsııa departamentiniń baspasóz qyzmetinen.
Kisi ólimimen aıaqtalǵan osy faktige oraı qazir QR QK 345,347,349 baptary boıynsha sotaldy tergeý bastaldy. ıAǵnı, kúdikti adam qaǵyp, oqıǵa ornynan qashyp ketkeni úshin jaýap berýmen qatar, kóliktiń ıesi de zań aldynda jaýap beredi. Sebebi, adam qaqqan jasóspirimniń kólik júrgizýge ruqsat beretin eshqandaı qujaty joq.
