Almaty oblysynda 15 jastaǵy qyzdy zorlaǵan ógeı áke 19 jylǵa sottaldy
Oblystyq sottyń málimetinshe, 15 jastaǵy qyzdy zorlaǵan ógeı ákesi 1962 jylǵy azamat. 60 jastaǵy er adam qyz balany zorlap, jábirlenýshi odan bosanǵan. Qazir ógeı ákesinen bala týǵan jas ana sábıimen birge turyp jatyr.
«1962 jylǵy azamat QR QK 120-bap boıynsha kináli dep tanylyp, 19 jylǵa bas bostandyǵynan aıryldy. Ol apellıatsııalyq sotqa shaǵym túsirdi, biraq birinshi satyly sottyń úkimi ózgerissiz qaldy. Endi sottalǵan azamat jazasyn qaýipsizdigi joǵary túzeý mekemesinde óteıtin bolady»,- delingen vedomstvonyń habarlamasynda.
Anyqtalǵandaı, 1962 jylǵy azamat jábirlenýshiniń anasymen 12 jyl buryn shańyraq qurǵan. Ol kezde qyz 3 jasta bolǵan. Jábirlenýshi 15 jasqa tolǵanda ógeı ákesi zorlap, anasyna aıtqan jaǵdaıda ekeýiniń de jazalanatynyn aıtyp, qorqytyp kelgen. Sońynda qyz bala júkti bolyp, is sotpen aıaqtalǵan.