Almaty oblysynda 15 márte páter tonaǵan kúdikti ustaldy
TALDYQORǴAN. QazAqparat - Almaty oblysynda «Páter» sharasy barysynda buryn sottalǵan ákki tonaýshy ustaldy. Kúdiktiniń 2018 jyldan beri 15 páter urlyǵyna qatysy bar ekeni anyqtaldy, dep habarlaıdy QazAqparat tilshisi.
Іle aýdanynyń aýdandyq polıtsııa qyzmetkerleri naýryz aıynyń sońyna taman Boraldaı aýylynyń turǵynyn qolǵa túsirdi. Tártip saqshylary buryn isti bolǵan39 jasar azamatty jerligikti pravoslav shirkeýiniń dúkenine qaraqshylyq shabýyl jasaýy múmkin degen kúdikpen ustaǵan. Kúdiktiden baǵaly metalldan jasalǵan alqalar men basqa da buıymdar tabylyp, aıǵaq zat retinde tárkilengen.
Sot aldy tekserý barysynda kúdiktiniń 15 páter urlyǵyna qatysy bar ekeni anyqtaldy. Tonalǵan zattar lombardtan tabylyp, qylmystyq iske tirkeldi. Oblystyq polıtsııa departamenti baspasóz qyzmetiniń málimetinshe Іle aýdandyq sotynyń sheshimimen kúdikti qamaýǵa alyndy. Aýyl turǵyny buryn da urlyq, esirtki zattardy saqtaý jáne satý boıynsha isti bolǵan. Sáýir aıynyń basynan polıtseıler Almaty oblysy aýmaǵyndaǵy arnaıy shara barysynda 30 urlyq ashylyp, 5 jaǵdaı buryn jasalǵan qylmys qatarynan ekeni belgili boldy. Aıta ketý kerek «Páter» jedel sharasy 10 sáýirge deıin jalǵasady.
