Almaty oblysynda 1448 medıtsına qyzmetkeri ústemaqy aldy
TALDYQORǴAN. QazAqparat - Almaty oblysynyń 1448 medıtsına qyzmetkerine, onyń ishinde 205 dárigerge, 882 orta medıtsınalyq qyzmetkerge, 361 kishi medıtsınalyq qyzmetkerge ústemaqy tólendi, dep habarlaıdy QazAqparat tilshisi.
«Qazaqstan Respýblıkasy Prezıdentiniń 2020 jylǵy 16 naýryzdaǵy № 286 «áleýmettik-ekonomıkalyq turaqtylyqty qamtamasyz etý jónindegi sharalar týraly« Jarlyǵyn oryndaý maqsatynda tótenshe jaǵdaı rejımi jaǵdaıynda Almaty oblysynyń ákimdigi oblys ákiminiń orynbasarynyń tóraǵalyǵymen densaýlyq saqtaý uıymdarynyń qyzmetkerlerin qarjylaı qoldaý jónindegi komıssııa qurdy. Oblystyń densaýlyq saqtaý basqarmasy juqtyrý qaýpi toptaryna sáıkes COVID-19 koronavırýsymen kúresý boıynsha epıdemııaǵa qarsy is-sharalarǵa qatysatyn medıtsına qyzmetkerleriniń tizimin anyqtady. Osy maqsatta respýblıkalyq bıýdjetten bólingen qarajattan densaýlyq saqtaý uıymdarynyń 1448 qyzmetkerine, onyń ishinde 205 dárigerge, 882 orta medıtsınalyq, 361 kishi medıtsınalyq qyzmetkerlerge eńbekaqy tólendi», - delingen Almaty oblystyq densaýlyq saqtaý basqarmasynyń baspasóz qyzmeti taratqan aqparatta.
Sonymen qatar, oblys ákiminiń qaýlysyn oryndaý úshin jergilikti bıýdjetten 1 023 medıtsına qyzmetkerine, onyń ishinde 178 dárigerge, 528 orta medıtsınalyq, 317 kishi medıtsınalyq qyzmetkerge syıaqy berý úshin qosymsha qarjy bólindi.
