Almaty oblysynda 14 jastaǵy oqýshyny zorlady degen kúdikpen 4 jigit ustaldy
TALDYQORǴAN. QazAqparat - Almaty oblysynda 14 jastaǵy oqýshyny 4 jigit zorlady degen kúdikpen ustaldy, dep habarlaıdy QazAqparat tilshisi.
4 kúdiktiniń úsheýi 17 jasta. Bireýiniń jasy 18-de. Qazir barlyǵy da qamaýda otyr.
Sumdyq jaıt Tekeli qalasynda bolǵan. Almaty oblystyq polıtsııa departamentiniń baspasóz qyzmeti QazAqparat tilshisi anyqtaǵan oqıǵany rastady.
«10 shilde kúni Tekeli qalalyq polıtsııa bólimine 36-jastaǵy Eskeldi aýdanynyń turǵynynan onyń 14-jasar qyzy zorlanǵany týraly aryz túsken. Jedel izdestirý sharalary barysynda 4 kúdikti anyqtaldy. Olardyń bireýi 18 jasta jáne qalǵan úsheýi 17-i jastaǵy Tekeli qalasynyń turǵyndary bolyp shyqty. Qazirgi tańda QR qylmystyq kodeksiniń 120 babynyń 3 bóligimen qylmystyq is tergelýde, is boıynsha birqatar saaraptamalar taǵaıyndaldy. Kúdiktiler qamaqqa alyndy»,- delingen Almaty oblysy PD baspasóz qyzmeti rastaǵan aqparatta.
