Almaty oblysynda 14 jasar qyz anasynyń aqshasyn urlap, úıden qashyp ketken
TALDYQORǴAN. QazAqparat - Almaty oblysynda jasóspirim anasynyń aqshasyn urlap, úıden qashyp ketken, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, ol jalǵyz ómir súrgisi keletinin aıtyp hat qaldyrǵan.
11 qazanda Eńbekshiqazaq aýdany Shelek polıtsııa bóliminiń kezekshi bólimine Shelek aýylynyń 39 jastaǵy turǵyny 14 jastaǵy qyzynyń joǵalǵanyn aıtyp aryzdanǵan.
Shelek polıtsııasynyń tergeýshisi, polıtsııa kapıtany Baýbek Ahmetov isti óndiriske qabyldap, 9 qazan kúni anasynyń qyzyn oqyǵysy kelmeıtini, úı jınamaǵany jáne úlken qyzy retinde kómektespegeni úshin urǵanyn anyqtady.
Anasyna renjigen jasóspirim 11 qazanda úıden ketip bara jatyp, anasynyń sómkesinen jıhaz satyp alýǵa daıyndap qoıǵan 308 000 teńgesin alyp, jalǵyz ómir súrgisi keletindigi týraly hat jazyp qaldyrǵan. Úıden qashyp ketken jasóspirimniń telefony jaýap bermegen.
Tergeýshi sýretimen birge jasóspirim kıiminiń sıpattamasyn jasap, izdeýshilerge jeke tapsyrma berip, jaqyn mańdaǵy polıtsııa bólimshelerine baǵyt-baǵdar jibergen. Kelesi kúni jedel ýákil polıtsııa kapıtany Danııar Bolanov qyzdyń Altyn Orda bazarynyń janynan eki aptaǵa páter jaldaǵanyn anyqtady. Ol páterden jasóspirimdi tappaǵan.
Іzdestirýdi jalǵastyrǵan ol Almaty qalasyndaǵy bir saıabaqtan jasóspirimdi taýyp, odan jumsalmaǵan 131 000 teńge kólemindegi aqshany tárkilegen. Qyzy men aqshasyn qaıtarǵan polıtsııaǵa ata-ana shyn júrekten alǵysyn aıtty.
Polıtseıler anasynan keshirim suraǵan qyzben profılaktıkalyq áńgime júrgizdi.
Anasyn QR ÁQBtK 127-babynyń 3-bóligi boıynsha ákimshilik jaýapkershilikke tartý máselesi sheshilip jatyr.
