Almaty oblysynda 126 myń gektar sýarmaly jer aınalymǵa qosylady
TALDYQORǴAN. QazAqparat - Almaty oblysynda 126 myń gektar sýarmaly jer aınalymǵa qosylady. Qaıta jańǵyrtý jumystary arnaıy baǵdarlama aıasynda júzege asatyn bolady, dep habarlaıdy QazAqparat tilshisi.
Sýarmaly alqaptardy kóbeıtý maqsatyndaǵy jumystar kezeń-kezeńmen iske asady. Sýarý kanaldaryn jóndeý jumystarynyń alǵashqy kezeńin Islam damý banki qarjylandyrady. Naqtyraq aıtqanda, 4446,3 shaqyrym sýarý kanaldarynyń 1618,461 shaqyrymy qalpyna keltiriledi. Bul jumystar 2017-2019 jyldary júzege asyp, 35, 4 myń gektar sýarmaly jerdi aınalymǵa qosý josparlanýda. Qurylys montajdaý jumystarynyń quny 14 mlrd teńge.
Aıta ketý kerek, Elbasynyń bıylǵy Joldaýynda elimiz boıynsha sýarmaly egis alańyn 40 paıyzǵa keńeıtip, 2 mln gektarǵa jetkizý tapsyrylǵan. Bul óz kezeginde otandyq ónim úlesin arttyryp, eńbek ónimdiligin joǵarylatýǵa yqpal etedi.
