Almaty oblysynda 12 jyljymaly medıtsınalyq keshen paıdalanýǵa berildi
TALDYQORǴAN.QazAqparat - Taldyqorǵan qalasynyń ortalyq alańynda óńir basshysy Amandyq Batalov Almaty oblystyq medıtsına uıymdaryna 89 jedel járdem kólikteri men 12 jyljymaly medıtsınalyq keshenniń kiltterin saltanatty túrde tabystady, dep habarlaıdy QazAqparat tilshisi.
Bul QR Prezıdenti Qasym-Jomart Toqaevtyń Qazaqstan halqyna Joldaýynda aıtyp ótkendeı, elimizdiń shalǵaıdaǵy jáne qatynaýy qıyn óńirlerinde turatyn aýyl halqyna sapaly medıtsınalyq kómektiń qoljetimdiligin arttyrý tapsyrmasyn oryndaý negizinde iske asyrylyp otyr.
Jedel járdem kólikteriniń 9-y - Oblystyq jedel járdem jáne shuǵyl medıtsınalyq kómek kórsetý stantsııasyna, 10-y - Taldyqorǵan qalalyq emhanasyna, 2-eýi - Qapshaǵaı qalalyq aýrýhanasyna, 2-eýi - Tekeli qalalyq aýrýhanasyna, Sarqan aýdandyq ortalyq aýrýhanasy, Eskeldi aýdandyq ortalyq aýrýhanasy, Alakól aýdandyq ortalyq aýrýhanasy men Kerbulaq aýdandyq ortalyq aýrýhanasynyń árqaısysyna 2 jedel járdem kóligi men 1 jyljymaly medıtsınalyq keshennen, Qaratal aýdandyq ortalyq aýrýhanasyna 1 jedel járdem kóligi men 1 jyljymaly medıtsınalyq keshen, Kóksý aýdandyq ortalyq aýrýhanasyna 2 jedel járdem kóligi, Eńbekshiqazaq aýdandyq ortalyq aýrýhanasyna 12 jedel járdem kóligi, Balqash aýdandyq ortalyq aýrýhanasyna 1 jyljymaly medıtsınalyq keshen, Jambyl aýdandyq ortalyq aýrýhanasyna 4 jedel járdem kóligi men 1 jyljymaly medıtsınalyq keshen, Talǵar aýdandyq ortalyq aýrýhanasyna 9 jedel járdem kóligi men 1 jyljymaly medıtsınalyq keshen, Kegen aýdandyq ortalyq aýrýhanasyna 1 jedel járdem kóligi men 1 jyljymaly medıtsınalyq keshen, Raıymbek aýdandyq ortalyq aýrýhanasyna 1 jyljymaly medıtsınalyq keshen, Іle aýdandyq ortalyq aýrýhanasyna 10 jedel járdem kóligi, Panfılov aýdandyq ortalyq aýrýhanasyna 4 jedel járdem kóligi, Qarasaı aýdandyq ortalyq aýrýhanasyna 14 jedel járdem kóligi men 1 jyljymaly medıtsınalyq keshen, Uıǵyr aýdandyq ortalyq aýrýhanasyna 1 jedel járdem kóligi men 1 jyljymaly medıtsınalyq keshen tabystaldy.
Jyljymaly medıtsınalyq keshenderde jalpy qabyldaý, akýsher-gınekolog, sáýlelik dıagnostıka kabınetteri, jalpy tájirıbe jónindegi dáriger aımaǵy, dárihana pýnkti, saraptama qabyldaý aımaǵy jáne eksperttik klastaǵy portatıvti ýltradybys bar. Rentgen men flıýorografııany qaýipsiz túrde jasaýǵa múmkindik qarastyrylǵan. Múmkindigi shekteýli jandarǵa arnalǵan pandýs lıfti bar.
Bul aýyldaǵy mamandandyrylǵan medıtsınalyq qyzmetkerleri men alǵashqy medıtsınalyq-sanıtarlyq kómek mamandarynyń jetispeýshiliginiń ornyn tolyqtyrýǵa múmkindik beredi. Oblystyń shalǵaıdaǵy jáne jetýi qıyn eldi-mekenderinde turatyn azamattarymyzǵa mamandandyrylǵan medıtsınalyq kómektiń qoljetimdiligin edáýir arttyrady.
Osy qabyldanyp jatqan sharalar óńirimizdiń medıtsına qyzmetkerleriniń jaýapkershiligimen jáne kásibıligimen birge Jetisý turǵyndarynyń densaýlyǵyn nyǵaıtýǵa jáne saqtaýǵa eleýli úlesin qosady dep senemin.
Bıyl 180 jedel járdem kóligi men 12 jyljymaly medıtsınalyq keshen satyp alyndy. Búgin biz osy jyljymaly medıtsınalyq keshenderdiń jáne 89 reanımatsııalyq mashınalardyń kiltterin tapsyrýdamyz. Qalǵan kólikter aǵymdaǵy jyldyń jeltoqsan aıyna deıin jetkiziledi.
Nátıjesinde, jyl sońyna deıin oblystyń sanıtarlyq kólikteri 80 paıyzǵa jańarady. Jedel járdem brıgadalarynyń sany 165-ten 205-ke deıin kóbeıedi.
