Almaty oblysynda 12 jastaǵy qyzdy zorlaǵan kúdikti ustaldy
TALDYQORǴAN. QazAqparat - Almaty oblysynda 12 jastaǵy qyzdy zorlaǵan kúdikti ustaldy. Qazir 22 jastaǵy jigit qamaýǵa alyndy, dep habarlaıdy QazAqparat tilshisi.
Oqıǵa Іle aýdanynda bolǵan. 18-shi qańtar kúni aýdandyq ІІB-ne Mejdýrechensk aýylynyń turǵyny aryzdanyp, balasyn belgisiz adamnyń zorlap ketkendigi jaıly shaǵymdanǵan.
«Birneshe saǵattyń ishinde kúdikti anyqtaldy. Qazir zorlaý faktisi boıynsha QR QK 120 baby 4-shi bóligi boıynsha is qozǵalyp, tergeý jalǵasýda», dep málim etti oblystyq ІІD baspasóz qyzmeti.
Anyqtalǵandaı, 1996 jylǵy jigit kámelettik jasqa tolmaǵan qyzǵa aýyldaǵy qonaq úılerdiń birinde jynystyq qarym-qatynas jasaǵan. Belgili bolǵandaı kúdikti qonaq úıdiń bólmesine aldyn-ala tapsyrys berip qoıǵan. Al jábirlenýshini ol jerge aldap alyp kelgen.
«Kúdikti óz sózinde qyzdyń kelbeti úlken kóringenin jáne olardyń arasyndaǵy jynystyq qarym-qatynas kelisimmen bolǵandyǵy jóninde aıtty. Biraq jábirlenýshi tarap kúdiktiniń sózin joqqa shyǵaryp otyr», dep tolyqtyrdy baspasóz qyzmetindegiler.
Qazir 1996 jylǵy kúdikti Іle aýdanynyń ІІB qamaýda otyr.
