Almaty oblysynda 12 jastaǵy bala 9 qabatty úıdiń shatyrynan qulap, mert boldy
TALDYQORǴAN.QazAqparat - Almaty mańyndaǵy Talǵar aýdanynda 2009 jylǵy bala shatyrda oınap, mert boldy, - dep habarlaıdy QazAqparat tilshisi.
Qaıǵyly jaǵdaı Almaty oblysynyń Talǵar aýdanyna qarasty Besaǵash aýylynda bolǵan.
«24 mamyr kúni saǵat 18:00 shamasynda Almaty oblystyq Tótenshe jaǵdaılar departamentine oqys oqıǵa jaıly habarlama kelip tústi. 2009 jylǵy bala ata-anasynyń qaraýynsyz 9 qabatty úıdiń shatyrynda oınaǵan. Abaısyzda ol eki úıdiń ortasyndaǵy shuńqyrǵa qulap ketken. Ol jerdiń eni 60 sm, uzyndyǵy 17 metr. Zardap shekken oqýshy oqıǵa ornynda tilge kelmesten kóz jumdy»,- delingen Almaty oblystyq TJD baspasóz qyzmetiniń habarlamasynda.
Vedomstvo ókilderi ata-analarǵa balalaryn qaraýsyz qaldyrmaýdy suraıdy.
