Almaty oblysynda 12 sáýirden bastap karantın sharalary kúsheıtiledi

ALMATY OBLYSY. QazAqparat - Almaty oblysynyń Bas memlekettik sanıtarııalyq dárigeriniń «Almaty oblysynyń aýmaǵynda karantın rejımi jáne keıbir shekteý sharalaryn kúsheıtý týraly» jańa qaýlysy jarııalandy, dep habarlaıdy QazAqparat.

Qujatqa sáıkes, 12 sáýirden bastap kelesi shekteý sharalaryn engizý josparlanyp otyr:

Buǵan deıin qabyldanǵan sharalardan basqa, qosymsha:

- banket zaldary;

- teatr, kınoteatrlar;

- oblysaralyq/qalalaralyq/aýdanaralyq turaqty emes (týrıstik) avtobýstar (mıkroavtobýs) tasymal qozǵalysy,

- oblysaralyq (qalalaralyq) aýdanaralyq turaqty avtobýstar (mıkroavtobýs) qozǵalysy,

- sporttyq sharalar, sonyń ishinde chempıonattar, aýdan, oblys jáne respýblıkalyq deńgeıdegi jarystar ótkizýge,

- bilim ortalyqtarynan basqa, sporttyq, bı, gımnastıkalyq jáne osyǵan uqsas sektsııalar men úıirmeler,

- mádenıet nysandary (murajaılar, Mádenıet úıleri, kontsert zaldary jáne t.b.),

- Qurylys materıaldary, aýylsharýashylyq tehnıkasy men jabdyqtaryn satýmen aınalysatyn nysandardan basqa, aýmaǵy 2000 sharshy metrden kóp, azyq-túlik satpaıtyn (bólek turǵan) dúkender qyzmetine tyıym salynady.

Qaýlynyń tolyq mátinimen myna jerden tanysýǵa bolady.