Almaty oblysynda 12 ınternet-kazıno jabyldy

ALMATY. QazAqparat - Almaty oblysynyń prokýratýrasy ınternet-keńistikke monıtorıng júrgizý barysynda 12 ınternet-kazınony anyqtap, olardyń qyzmetin toqtatty. Bul týraly qadaǵalaý mekemesiniń baspasóz qyzmeti málim etti, dep habarlaıdy QazAqparat tilshisi.

Zańǵa sáıkes respýblıka aýmaǵynda elektrondy jáne ınternet-kazıno qyzmetine tyıym salynǵanyna qaramastan, onlaın rejımdegi saıttar qumar oıyndardy uıymdastyrǵan.

«Osyǵan uqsas tásilmen oblys prokýratýrasy esirtki quraldaryn satýmen, pornografııalyq materıaldardy zańsyz nasıhattaýmen, tólem júıeleriniń jalǵan túbirtegin daıyndaýmen, sýıtsıdti nasıhattaý jáne esirtki zattaryn jetkizý-tasymaldaý jumysyna ornalastyrý týraly habarlandyrýmen aınalysatyn basqa da zańsyz ınternet saıttardy buǵattaý maqsatynda shara qabyldady»,- dep habarlady qadaǵalaý mekemesiniń baspasóz qyzmeti.

Almaty oblysynyń prokýratýrasy «Kıbernadzor» aqparat júıesiniń kómegimen ınternet-keńistikke turaqty monıtorıng júrgizedi.