Almaty oblysynda 100 myńnan asa adamǵa 42 500 teńge taǵaıyndaldy

TALDYQORǴAN.QazAqparat – Elimizdegi koronavırýs indetine oraı tótenshe jaǵdaıǵa baılanysty tabysynan aıyrylǵan jandarǵa beriletin 42 500 teńge Almaty oblysy boıynsha 101,3 myń adamǵa taǵaıyndaldy, dep habarlaıdy QazAqparat tilshisi.

«Aýdandyq jáne qalalyq shtabtar demalyssyz kúsheıtilgen rejımde jumys isteýde. 42 500 teńge kóleminde beriletin áleýmettik kómekti alý úshin 328 myńnan astam adam ótinish bergen. Qazirgi tańda atalǵan áleýmettik kómek 101,3 myń adamǵa taǵaıyndaldy», - dedi Almaty oblystyq Jumyspen qamtýdy úılestirý jáne áleýmettik baǵdarlamalar basqarmasynyń basshysy Zaıda Іlimjanova.

Almaty oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetinshe, ótinish berý mehanızmi barynsha jeńildegen. Eshqaıda barýdyń keregi joq. Azamattardyń ózderine qolaıly bolýy úshin ótinishti bir ǵana elektrondy formatta berýge bolady. Almaty oblysynyń turǵyndary áleýmettik tólemdi alý úshin «Elektrondy úkimet» veb-portaly nemese 42500 Enbek.kz saıty arqyly, sondaı-aq árbir óńirge jasalǵan telegram botynda myna silteme arqyly berýlerine bolady -https//t.me/ AlmaObl42500Bot.