Almaty oblysynda 100 ga aýmaqta shabyndy shóp órtendi
ASTANA. 2 sáýir. QazAqparat - Almaty oblysynda dúısenbi kúni saǵat 10.50-de «Ohonkovo» shatqalyndaǵy «Shelek orman sharýashylyǵy» MM aýmaǵynda Іle ózeniniń boıyndaǵy shabyndy shóp (qamys) pen butalar jana bastady, dep habarlady QR TJM-nen.
Tilsiz jaý saǵat 18.30-da aýyzdyqtaldy. Onymen kúreske QR TJM Almaty oblystyq TJD órt sóndirý qyzmetiniń 6 adamy men 1 tehnıkasy, «Shelek orman sharýashylyǵy» MM-niń 25 adamy men 9 tehnıkasy, «Qyzyl Jıde» memlekettik tabıǵat qorǵaý mekemesiniń 5 mamany men 2 tehnıkasy, «Manýl» ańshylyq sharýashylyǵynyń 10 adamy men 2 tehnıkasy jumyldyryldy. Jalyn sharpyǵan aýmaq 100 ga qurady. Qurbandar men zardap shekkender joq.
