Almaty oblysynda 100-den astam qarý ıesi jaýapqa tartyldy
TALDYQORǴAN. QazAqparat - Almaty oblysynyń tártip saqshylary qarý-jaraq aınalymyna baqylaýdy kúsheıtti. Qazir óńirde «Qarý» jedel sharasy júrip jatyr. Birneshe táýlik ishinde 100-den astam qarý ıesi jaýapkershilikke tartyldy, dep habarlaıdy QazAqparat tilshisi.
Sharanyń alǵashqy kúninde ár túrli qarýy bar 1701 azamat tekserildi. 115 qarý ıesiniń lıtsenzııasy men ruqsat qujattary durys bolmaı shyqty. Qarý-jaraqty zańsyz saqtaýdyń 6 faktisi anyqtalyp, onyń eki jaǵdaıynda, ıaǵnı Qarasaı aýdany men Qapshaǵaı qalasynda qylmystyq is qozǵaldy.
Qarý saqtaýdyń tártibine mán bermeı ereje buzǵan 111 azamat ákimshilik jaýapkershilikke tartylyp, olarǵa 3 mln teńgeden astam aıyppul salyndy.
Polıtsııa qyzmetkerleri baılanyssyz qalǵan 15 qarý ıesiniń meken-jaıyn naqtylady.
«Qarý» aldyn alý sharasynyń qansha kúnge jalǵasatyny áli belgisiz.
