Almaty oblysynda 100-den asqan 61 qarııa saılaýda daýys berdi
«104 jastaǵy Uly Otan soǵysynyń ardageri Nurǵalı Janserikuly, Kerbulaq aýdanyndaǵy Altynemel aýyldyq okrýginiń turǵyny, 103 jastaǵy Batan Saparǵalıeva syndy ata-apalarymyz alǵashqylardyń biri bolyp saılaýda belsendilik tanytty. Qazir Almaty oblysy boıynsha 100-den asqan 61 qarııa saılaýda óz tańdaýyn jasap, daýystaryn berip úlgerdi», - dedi Almaty oblysy ákiminiń baspasóz hatshysy Ǵalymurat Júkel.
Qarttardyń basym bóligi úıden daýys bergen. Olarǵa saılaý ýchaskeleriniń jyljymaly jáshikteri qarastyrylǵan. Jalpy, barlyq saılaý ýchaskelerinde komıssııa saılaýǵa ózdigimen kele almaǵandarǵa qyzmet kórsetip, múmkindigi shekteýli azamattar men soǵys ardagerleriniń de óz tańdaýyn jasaýǵa septigin tıgizdi.
Aıta keteıik, Almaty oblysynda turatyn 2 mln halyqtyń 1 mln 400 myńy saılaýǵa qatysýǵa quqyly. Óńirde 1040 saılaý ýchaskesi bar. Ol jerde prezıdenttikke úmitkerlerdiń 2100-den astam senimdi ókili men shet elden kelgen baqylaýshylar saılaý barysyn qadaǵalap otyr. Jalpy oblysta700-den astam eldi meken bar.
