Almaty oblysynda 10 jataqhana salynady
TALDYQORǴAN. QazAqparat - Elbasynyń bes áleýmettik bastamasy aıasynda Almaty oblysynda stýdentterge arnalǵan 10 jataqhana salynady. Onyń ekeýin oblys aýmaǵynda ornalasqan eki joǵarǵy oqý ornyna, qalǵan segizin kolledjderge salý josparlanyp otyr, dep habarlaıdy QazAqparat tilshisi.
Bul jóninde Almaty oblysy əkiminiń orynbasary Aıdarbek Baıjanovtyń respýblıkalyq qoǵamdyq keńes músheleriniń qatysýymen ótken jıynda jasaǵan baıandamasynan málim boldy.
Baıandamashynyń aıtýynsha, Taldyqorǵan qalasyndaǵy Іlııas Jansúgirov atyndaǵy Jetisý Memlekettik ýnıversıtetiniń 1000-nan astam stýdenti páter jaldap nemese jaqyndarynyń úıinde turady. Al qazirgi jataqhanalarda 524 tálimgerge ǵana oryn bar. Stýdentterdiń jaǵdaıyn jaqsartý maqsatynda 500 oryndyq zamanaýı jataqhanany osy bilim shańyraǵyna salý qajet. Sol sııaqty Súleımen Demırel ýnıversıtetine 2024 jylǵa deıin 1000 oryndyq jataqhana salý kózdelgen. Oblystaǵy 8 kolledj jataqhanasyna jer telimi qarastyrylyp otyr. Ǵımarattyń jobalyq-smetalyq qujattaryn retteýge 16 mln teńge bólingen.
«Qazirgi tańda jergilikti bıýdjet esebinen 438 stýdent ákim grantyna oqyp jatyr. Olardyń 89-y medıtsına, 227-si pedagogıka, 23-i aýyl sharýashylyǵy, 21-i mádenıet salasynda jáne qalǵan 78 stýdent basqa salalarda bilim alýda. Sondaı-aq ekinshi jyl qatarynan óńirdegi kadr tapshylyǵyn azaıtý maqsatynda 100 grant bólinip otyr»,- dedi A.Baıjanov.
Elbasynyń bes áleýmettik bastamasynyń nətıjesinde Almaty oblysynda 17 myń mektep túleginiń 5198-i grant ıegeri atandy.
Bul byltyrǵy jylmen salystyrǵanda 1334 adamǵa artyq.
