Almaty oblysynda 10 jastaǵy kórshisi dárethanaǵa qulap ketken búldirshindi qutqaryp aldy
«Oqıǵa 14 shilde kúni Almaty oblysynyń Qarasaı aýdanyna qarasty Іrgeli aýylynda bolǵan. 2019 jylǵy qyz bala aýladaǵy dárethanaǵa qulap, ony 10 jastaǵy kórshisi qutqaryp shyqty», - delingen Almaty oblystyq Tótenshe jaǵdaılar departamentiniń baspasóz qyzmeti taratqan habarlamada.
Vedomstvonyń aqparatyna sáıkes, Álıhan dárethananyń shuńqyryna túsýge ákesinen ózi suranǵan. Sebebi, balanyń ákesi ájethana tesigine syımaǵan. Osy sátte ol ulyn arqanmen baılap, dárethananyń ishine túsirip, aldymen qyzdy, sodan keıin ulyn tez shyǵaryp alǵan.
«Balalar ýly gazben tunshyǵyp ketýi múmkin edi. Biraq balanyń batyl jáne tez áreketteriniń arqasynda ekeýi de medıtsınalyq kómekke muqtaj bolmady. Álıhan kórshi qyzdyń ómirin saqtap qalǵany úshin vedomstvolyq marapatqa usynylady»,- dep tolyqtyrdy vedomstvonyń baspasóz qyzmeti.
