Almaty oblysynda 10 jastaǵy bala kart tebem dep mert boldy

NUR-SULTAN. QazAqparat – Almaty oblysynda 10 jastaǵy bala kart tebem dep mert boldy. Oqıǵa Іle aýdanyndaǵy kartodromda bolǵan, dep habarlaıdy QazAqparat.

Almaty oblystyq polıtsııa departamenti baspasóz qyzmetiniń habarlaýynsha, jetkinshek kart mashınasyn basqaryp kele jatyp, plastmassadan jasalǵan zattardan qoıylǵan qorshaýdy buzyp ótip, jol boıynda turǵan GAZ-53 kóligine soǵylǵan.

«Oqıǵanyń kýágerleriniń aıtýynsha, jetkinshek mingen kartty onyń artynan kele jatqan, kart qaqqan. Sonyń ınertsııasymen jarys mashınasy qorshaýdan buzyp shyqqan. Kýágerlerdiń sózinshe, oqıǵa ornynda Іle aýdany polıtsııasynyń jedel tergeý toby jumys istep jatyr. Tártip saqshylary qaıǵyly oqıǵanyń mán-jaıyn anyqtap jatyr. Olar qazir kýágerlerden jaýap alýda»,-dep habarlady Almaty oblystyq polıtsııa departamentiniń baspasóz qyzmeti.

Áleýmettik jelide mert bolǵan balanyń týystary túsirip, taratqan vıdeo júr.