Almaty oblysynda 10 jasar bala asylyp turǵan jerinen tabyldy
TEKELІ. QazAqparat – Almaty oblysyndaǵy Tekeli qalasynda 10 jasar bala asylyp turǵan jerinen tabyldy. Qaraly habardy Tekeli qalasynyń ákimi Baqtııar Ónerbaevtyń ózi áleýmettik jelide oqyrmandaryna jetkizdi, dep habarlaıdy QazAqparat tilshisi.
«Bul postty jazýǵa túrtki bolǵan - túngi oqıǵa. On jasar Vladty túni boıy izdedik. Maǵan Vlad joǵalyp ketti degen habardy túngi 1.30 da eriktiler telefon soǵyp jetkizdi. Barmaǵan, izdemegen jerimiz qalmady. Sóıtsek Vlad úıiniń artyndaǵy qalyń aǵashtyń ishinde darǵa asylyp qalǵan eken. Óte ókinishti, bul ólimge ne túrtki bolǵany tergeý amaldary aıaqtalǵan soń belgili bolar. Vladtyń ákesi jaıly naqty málimet joq, ógeı ákesi káris ultynan eken. Bala tárbıeleıtin áke qaıda, jalpy erkekter qaıda ketken? Maǵan qyzmetime baılanysty jalǵyzbasty, kópbalaly jıi keledi. Sonda men «bulardyń ákeleri qaıda?» dep suraımyn. Kóbiniń jaýaby joq, al jıi estıtinim - ákesi maskúnem, araq iship ketken», - dep jazdy Tekeliniń ákimi B.Ónerbaev.
Shahar basshysy Tekelige ákim bolyp taǵaıyndalǵanda turǵyndardy salaýatty ómirge shaqyrǵanyn da eske saldy.
Esterińizge sala keteıik, buǵan deıin Baqtııar Ónerbaevtyń birneshe ret qoǵamdyq orynda ishimdik ishetindermen kúres júrgizip, olardy zań júzinde jazalaǵanyn jazǵan bolatynbyz.
