Almaty oblysynda 10 synyp oqýshysy sýǵa aǵyp ketti
TALDYQORǴAN. QazAqparat - Almaty oblysynda 10 synyp oqýshysy sýǵa aǵyp ketti. Balanyń denesi Qaratal ózeninen tabyldy, dep habarlaıdy QazAqparat tilshisi.
"2000 jylǵy bala dosymen birge Qaratal ózenin keship ótpek bolǵan. Sol sátte oqýshylardy sý aǵyzyp áketken. 2 jasóspirimniń biri sýdan áreń shyǵyp, aman qaldy. Al ekinshi ózenniń qatty aǵysyna qarsy tura almaǵan. Joǵalǵan bala Qaratal ózeninen tabyldy", - dedi Almaty oblystyq TJD resmı ókili Azamat Jurtbaev.
Oqıǵa keshe keshkisin saǵat 20:00 shamasynda bolǵan. Іzdeý jumystary túni boıy júrgizildi. Tek saǵat 13:00 de ıaǵnı, búgin joǵalǵan balanyń múrdesi tabyldy. Іzdestirý jumystaryna muǵalimder de jumyldyryldy. Ózenge aǵyp, artynsha denesi tabylǵan bala Eskeldi aýdanyndaǵy Qaratal aýylyndaǵy mekteptiń 10 synyp oqýshysy.
