Almaty oblysynda 10 oqýshy astan ýlanyp, aýrýhanaǵa tústi

QONAEV. QazAqparat – Almaty oblysynda 10 oqýshy astan ýlanyp aýrýhanaǵa tústi, - dep habarlaıdy QazAqparat tilshisi.

«19 mamyr kúni saǵat 16:00-de Eńbekshiqazaq aýdanaralyq kópsalaly aýrýhanasyna 10 oqýshy astan ýlanyp tústi.

Olar Baıterek aýylyndaǵy mekteptiń 5-shi synyp oqýshylary. Balalarǵa barlyq medıtsınalyq kómek kórsetilip, tekserýden ótti.

7 balanyń jaǵdaıy turaqty, olar ambýlatorııalyq em qabyldaýǵa jiberildi. Al qalǵan 3 oqýshy ınfektsııalyq bólimshege jatqyzyldy. Jaǵdaılary ortasha aýyr, turaqty», - dedi Almaty oblystyq Densaýlyq saqtaý basqarmasy baspasóz qyzmetiniń ókili Láılim Áýbákirova.