Almaty oblysynda 1 jyl boıy mektepke barmaǵan balanyń isi sotta qaralýda
TALDYQORǴAN. QazAqparat - Bıyl Almaty oblysynda 7-synyp oqýshysy bir jyl boıy mektepke barmaǵan. Oqıǵa Kerbulaq aýdanyndaǵy Jolaman aýylynda boldy, dep habarlaıdy QazAqparat tilshisi.
Almaty oblystyq bilim basqarmasynyń basshysy Dáýren Júnisovtiń aıtýynsha, qazir osy is boıynsha sot júrip jatyr. Biraq balanyń ata-anasy sotqa kelmegen. Al oqýshy tolyq emes otbasynda tárbıelenýde. Ózi bir úıdiń jalǵyz balasy eken.
«Balanyń anasy balamdy oqýshylar urdy dep aryz jazǵan. Biraq ol rastalmady. Barlyq faktini arnaıy komıssııa teksergen. Endi balany ata-anasy mektepke jibermeı otyr», - dedi Almaty oblystyq bilim basqarmasynyń basshysy Dáýren Júnisov.
Bir jyl boıy bilim almaǵan oqýshy jańa oqý jylynda 7-shi synypty qaıta oqıtyn bolady. Al ata-anasyna qandaı shara qoldanylatynyn sot sheshedi.
