Almaty oblysynda 1 jastaǵy eki sábı koronavırýstan jazylyp shyqty
TALDYQORǴAN. QazAqparat - Búgin Almaty oblysynda 15 adam koronavırýstan jazylyp shyqty. Olar Qarasaı, Іle, Kegen aýdandary men Qapshaǵaı qalasynyń turǵyndary. Іndetten jazylǵandar ishinde bir jastaǵy 2 sábı de bar, - dep habarlaıdy QazAqparat tilshisi.
Almaty oblysy ákiminiń baspasóz qyzmetiniń málimetinshe, 1958, 1959, 1961, 1962, 1963, 1964, 1968, 1977, 1982, 1983, 1988, 1991, 1997 jylǵy azamattar men 2019 jyly týǵan 2 bala Shelek aýdandyq aýrýhanasy men Qaskeleń qalalyq ınfektsııalyq aýrýhanasynda 30 sáýirden bastap tıisti em qabyldaǵan. Qazir barlyǵynyń jaǵdaıy jaqsy, densaýlyqtaryna shaǵymdary joq.
Almaty oblysynda koronavırýsty jalpy 201 adam juqtyrdy, onyń ishinde 126 adam indetten jazyldy.
