Almaty oblysynda 1 mlrd teńgeden astam qarajat ıgerilmeı qalǵan

TALDYQORǴAN. QazAqparat - Almaty oblystyq polıtsııa departamenti 108,9 mln teńgeni ıgermegen, dep habarlaıdy QazAqparat tilshisi.

Almaty oblysynyń qarjy basqarmasy basshysy Jasulan Estenovtyń aıtýynsha, bul qarajattyń 99,9 mln teńgesi arnaıy kólik alýǵa jumsalýy tıis bolǵan. Biraq tergeý qamaýynda otyrǵandardy tasymaldaýǵa arnalǵan arnaıy mashına jetkizilmegendikten qomaqty qarjy ıgerilmeı qalǵan.

«Atalǵan departamenttiń materıaldyq-tehnıkalyq bazasyn nyǵaıtýǵa

5,6 mln teńge bólingen. Biraq arnaıy jabdyqtar jetkizilmegendikten qarjy keri qaıtarylǵan»,- delingen oblystyq máslıhat taratqan habarlamada

Jalpy byltyr Almaty oblysy bıýdjetiniń túrli salalar boıynsha 1 mlrd teńgeden astam qarajaty ıgerilmeı qalǵan.

Buǵan deıin Almaty oblystyq aýyl sharýashylyǵy basqarmasynda 500 mln teńge ıgerilmegenin habarlaǵan bolatynbyz.

Aıta keteıik, byltyrǵy jyly eń kóp qarajatty ıgermegen Almaty oblystyq aýylsharýashylyq basqarmasy (526,5 mln teńge) men oblystyń Polıtsııa departamenti (108.9 mln teńge) boldy.