Almaty oblysynda 1 mln teńge jalǵan aqsha jasap ótkizgen azamat sottaldy
NUR-SULTAN. QazAqparat – Almaty oblysynda 1 mln teńge jalǵan aqsha jasap ótkizgen azamat sottaldy, dep habarlaıdy QazAqparat QR Qarjy mınıstrligi Qarjy monıtorıngi komıtetiniń baspasóz qyzmetine silteme jasap.
Baspasóz qyzmeti taratqan aqparattarǵa qaraǵanda, QR Qarjy mınıstrligi Qarjy monıtorıngi komıtetiniń Almaty oblysy boıynsha ekonomıkalyq tergeý departamenti qyzmetkerleri 1988 jyly týǵan, QR azamatyna qatysty jalǵan kýpıýralardy daıyndaý, saqtaý, tasymaldaý jáne satý boıynsha qylmystyq iske tergeý júrgizdi.
Tergeý barysynda Almaty qalasynyń týmasy Almaty oblysy aýmaǵynda jalpy somasy 1 mln. teńgeden asatyn nomınaly 5 000 teńge bolatyn jalǵan aqsha ótkizgeni anyqtaldy.
«Sot úkimi boıynsha aıyptalýshy qylmysty jasaǵany úshin QR QK 231 babynyń 1 tarmaǵyna sáıkes kináli dep tanylyp, oǵan 2 jyl 6 aıǵa bas bostandyǵynan aıyrý jazasy taǵaıyndaldy»,-delingen baspasóz málimetterinde.
