Almaty oblysynan ShQO-ǵa 16 tonnadan astam gýmanıtarlyq júk jóneltildi
TALDYQORǴAN. QazAqparat - Almaty oblysynyń turǵyndary Shyǵys Qazaqstan oblysynda sý tasqynynan zardap shekken azamattarǵa 16 tonnadan astam gýmanıtarlyq júk jóneltti, dep habarlaıdy QazAqparat tilshisi.
«Biz Shyǵys Qazaqstan oblysynda sý tasqynynan zardap shekkenderge kómek kórsetý jónindegi bastamany áýelden-aq bastaǵan edik. Sonyń arqasynda «Jetisý járdemi» aktsııasyna oblystyń kóptegen turǵyndary úlesterin qosty. Azyq-túlik pen kıim-keshek, birinshi kezekte qajetti dúnıeler, qurylys materıaldary jınaldy. Mysaly dúkenderdiń biri 500 myń teńgeden astam taýar jınap berdi»,-dedi Qazaqstan musylmandary dinı basqarmasynyń Taldyqorǵan óńiri boıynsha ókili Ardaq Núsiphanuly.
Oblys turǵyndary barlyǵy 16 tonnadan astam azyq jınap, 3 mıllıoannan astam teńgege qaıyrymdylyq jasady.
«Jınalǵan qarjyǵa biz Aıagózde sý tasqynynan eń kóp zardap shekken otbasyna shaǵyn da bolsa baspana alyp berý qajet dep sheshtik. Buǵan qosa, Aıagózde 350 adamǵa arnalyp, qaıyrymdylyq as beriledi»,-dep qosty A.Núsiphanuly.
