Almaty oblysynan Parlament Senatynyń depýtaty saılandy - QR OSK
ASTANA. QazAqparat - Nurlan Qylyshbaev Almaty oblysynan Qazaqstan Respýblıkasy Parlamenti Senatynyń depýtaty bolyp saılandy. Bul týraly QR OSK saıtynda habarlandy.
QR OSK saıtynda 2016 jylǵy 1 shildede Almaty oblysynan Qazaqstan Respýblıkasy Parlamenti Senatynyń shyǵyp qalǵan depýtatynyń ornyna saılaý jónindegi daýystardy sanaý nátıjeleri jarııa etildi.
«Nurlan Naýryzuly Qylyshbaevqa 288 daýys nemese daýys berýge qatysqan tańdaýshylar daýystarynyń 88,89 paıyzy berildi; Ermek Toqtarbekuly Mujıqovqa 35 daýys nemese daýys berýge qatysqan tańdaýshylar daýystarynyń 10,80 paıyzy berildi», - delingen habarlamada.
Eske sala ketsek, depýtatty saılaý 1 shildede Taldyqorǵandaǵy І. Jansúgirov atyndaǵy Mádenıet saraıynda oblys máslıhattarynyń birlesken otyrysynda ótkizildi.
