Almaty oblysynan Maqtaaralǵa 260 tonna kómek jetkizildi

TALDYQORǴAN. QazAqparat - Almaty oblysynan attanǵan qaıyrymdylyq kerýeni sý tasqynynan zardap shekken Túrkistan oblysynyń Maqtaaral aýdanyna jetti, dep habarlaıdy QazAqparat tilshisi.

15 júk kóligine 260 tonnadaı eń qajetti zat tıelgen.

Atap aıtsaq, azyq-túlik, turmysqa qajet gıgıenalyq zattarmen qatar qurylys materıaldary da bar.

100 tonna tsement, 20 myń kirpish, 10 tonna qurǵaq qospa, men 15 tonna gıpsokarton aýyldaǵy aǵaıynnyń muqtajyna jarap qalar degen nıetpen jetkizildi. Sondaı-aq kerýende jetisýlyq volonterlar da bar. Jastar qurylys jumystaryna qatysyp, eldimekenderdiń qalpyna kelýine úles qosady.

«20-ǵa jýyq eriktimiz Maqtaral aýdanyna bardy. Olar qoldaý kórsetip jumys jasaýǵa daıyn. 10 kúndeı sol jerde belsendi jumys atqarmaq «, - dedi Almaty oblystyq Jastar saıasaty máseleleri basqarmasynyń basshysy Jomart Qaratas.