Almaty oblysyna qarasty Qyzylaǵash aýylyndaǵy tótenshe jaǵdaılar saldaryn joıý aıaqtaldy
ASTANA. Naýryzdyń 24-i. QazAqparat - Almaty oblysyna qarasty Qyzylaǵash aýylyndaǵy tótenshe jaǵdaılar saldaryn joıý aıaqtaldy, dep habarlady QR Tótenshe jaǵdaılar mınıstrliginen.
«2010 jyly naýryzdyń 22-inde Qazaqstan Respýblıkasynyń Tótenshe jaǵdaılar vıtse-mınıstri, general-maıor Valerıı Petrovtyń buıryǵyna sáıkes Almaty oblysynyń Aqsý aýdanynda apattyq qutqarý jáne turǵyndardyń tynys-tirshiligin ýaqytsha qalpyna keltirý jumystary aıaqtaldy», delingen habarlamada.
Degenmen, 2010 jylǵy naýryzdyń 30-yna deıin Tótenshe jaǵdaılardy joıý departamentiniń dırektory, general-maıor Dıqanbek Satylǵanovtyń jetekshiligimen iz-túzsiz joǵalǵan adamdardy tabý boıynsha izdeý jumystaryn aıaqtaý josparanyp otyr.
Esterińizge sala keteıik, jaýynnyń mol túsýinen jáne aýa temperatýrasynyń joǵarlaýynan naýryzdyń 12-si kúni túnde «Qyzylaǵash» sý qoımasynyń bógeti buzylyp, sý tasqyny búkil aýyldy shaıyp ketken bolatyn. Sý tasqynynyń saldarynan 43 adam qaza taýyp, 2 azamat iz-túzsiz joǵalǵandar qatarynda.
