Almaty oblysyna Gollandııadan kartop tuqymy jetkizildi
NARYNQOL. QazAqparat - Almaty oblysynyń Raıymbek aýdanyna Gollandııadan elıtaly kartop tuqymy jetkizildi. Sharýalar kartop óndirisin jandandyrýdy maqsat etýde, dep habarlaıdy QazAqparat tilshisi.
Narynqol óńirine Gollandııadan 80 tonna «Sante», «Agrııa» atty kartoptyń elıtalyq sorttary jetkizildi. Kartoptyń bul tuqymdary ónimdiligi jáne dámi jaǵynan naryqta úlken suranysqa ıe. Aýdanǵa barlyǵy bul sorttardyń 240 tonnasy kelýi tıis. Jalpy Narynqol óńiri burynnan kartop ósirýmen aınalysady.
«Bıyl oblys bıýdjetinen 132 mln teńge qarjy bólinip, kartop ósirýshilerge arnalǵan eki servıstik daıyndaý ortalyǵy qurylmaq. Shetelden ákelingen tuqymdy sharýalar jýyq arada otyrǵyzyp, kóktemgi dala jumystaryna kirispek», - deıdi, Raıymbek aýdanynyń ákimi Jolan Omarov.
Al gollandııalyq ınvestorlar óńirge kartop óńdeıtin kásiporyn salýdy josparlap otyr.
