Almaty oblysyna Almaty qalasynan kelgender 14 kún úı karantıninde bolady
TALDYQORǴAN. QazAqparat – Almaty qalasynyń aýmaǵynan Almaty oblysyna shyqqan azamattar 14 kún úı karantıninde bolady. Bul týraly arnaıy qaýly qabyldandy, dep habarlaıdy QazAqparat tilshisi.
Almaty oblysynyń bas sanıtarlyq dárigeri Qaırat Baımuhambetov Almaty qalasynyń shekarasy jabylýyna baılanysty megapolıste jumys isteıtin Almaty oblysynyń turǵyndary men qaladan shyqqan azamattar úshin 14 kúndik mindetti úı karantıni týraly qaýly qabyldady.
Almaty oblysy ákimi baspasóz qyzmetiniń habarlaýynsha, atalǵan qujat Almaty oblysynyń aýmaǵyna kirgen barlyq azamattardy úı karantınine ornalastyrýdy mindetteıdi. Óńirli Densaýlyq saqtaý basqarmasy men ákimdik qyzmetkerleri telefon baılanysy arqyly habarlasý jolymen olarǵa baqylaý jasaıdy. Sonymen qatar osy qaýlyda júk tasymaldaýdyń talaptary týraly aıtylǵan. Taýarlar men basqa da zattar germetıkalyq qaptamada tasymaldanady jáne óńdeý men fýmıgatsııadan ótkiziledi. Germetıkalyq qaptamasy joq júkterdi tasymaldaýǵa tyıym salynǵan.
Qaýly qol qoıylǵan kúnnen bastap kúshine endi.
