Almaty oblysy jol polıtsııasy basqarmasynyń qyzmetinde júıeli kemshilikter oryn alyp kelgen
ASTANA. 9 qańtar. QazAqparat /Qanat Mámetqazyuly/ - Jol polıtsııasy komıtetiniń brıgadasy 2011 jyldyń qarasha-jeltoqsan aılarynda Almaty qalasy men Almaty oblystarynyń Іshki ister departamentteri jol polıtsııasy basqarmalarynyń qyzmetterine josparly keshendi qyzmettik tekseris júrgizdi.
Bul týraly ІІM Jol polıtsııasy baspasóz qyzmetinen habarlandy.
Tekseris barysynda Almaty qalasy men Almaty oblystarynyń Іshki ister departamentteri jol polıtsııasy basqarmalary qyzmetterin uıymdastyrýda eleýli, júıeli kemshilikter men olqylyqtar anyqtalǵan. Atap aıtqanda, ІІM buıryqtary men nusqaýlyqtarynyń tıisti oryndalýy qamtamasyz etilmeı, olardy iske asyrý boıynsha júıeli baqylaý júzege asyrylmaı kelgen.
«ІІD-niń Jol polıtsııasy basqarmalary aýdandyq jol polıtsııasynyń bólinisterine tıisti ádistemelik jáne praktıkalyq kómek kórsetpeıdi. ІІM men Bas prokýratýranyń talaptaryna qaramastan, zardap shekkenderi bar jol-kólik oqıǵalaryn esepke alý salasynda retke keltirý boıynsha sharalar qabyldanbaǵan. Jol polıtsııasynyń quqyq paıdalaný qyzmetin uıymdastyrýda eleýli kemshilikter men olqylyqtar bar. ІІD-niń Jol polıtsııasy basqarmalary jazalaýdan qutylmaýshylyq qaǵıdasynyń oryndalýyn qamtamasyz etpeıdi», - delingen baspasóz aıǵaǵynda.
Budan bólek, kólik quraldaryn tirkeý jáne júrgizýshi kýálikterin berý kezinde de zańnamany buzýshylyqtar anyqtalǵan. Sonymen qatar tekseris barysynda Almaty qalasy ІІD Jol polıtsııasy basqarmasynyń basshylyǵy quramynyń tarapynan jol polıtsııasy jasaqtarynyń qyzmet ótkerýine baqylaý júrgizilmeıtini de belgili boldy.
Almaty qalasy men Almaty oblysynyń ІІD JPB-nyń qyzmetin uıymdastyrýda kórsetilgen kemshilikter men olqylyqtar jol polıtsııasy basqarmalary basshylyqtarynyń tarapynan tıisti baqylaýdyń bolmaýy men jol polıtsııasy bólinisterindegi jaýapty adamdardyń fýnktsıonaldyq mindetterin tıisti oryndamaýy nátıjesinde oryn alǵan. Keshendi tekseris nátıjesi boıynsha jol polıtsııasy bólinisteriniń jaýapty adamdary qatań tártiptik jaýapkershilikke tartyldy, onyń ishinde Іshki ister mınıstriniń buıryǵymen birqatar basshylar laýazymdarynan bosatyldy.
