Almaty oblysy Uıǵyr aýdanynda sýǵa batyp ketken Ulybrıtanııa azamatshasyn izdestirý jumystary júrgizilýde
ASTANA. Mamyrdyń 4-i. QazAqparat - Almaty oblysy Uıǵyr aýdanyndaǵy Sharyn ózenine Ulybrıtanııa azamatshasy batyp ketti. Іzdestirý jumystary júrgizilýde,
dep habarlady QR TJM-nan.
Mamyrdyń 3-i kúni 15 saǵat 30 mınýtta Sharyn shatqalynda ózen jaǵasynyń boıymen serýendeýge shyqqan 67 jastaǵy áıel abaısyzda sýǵa qulap ketip, tasyǵan ózen ony tómenge qaraı aǵyzyp áketken.
Qazir TJM «Qazavıaspas» Memlekettik mekemesiniń tikushaǵy men Almaty oblysy boıynsha TJD-nyń jeke quramdaǵy 23 adamy men 3 tehnıkasy sheteldik azamatty izdestirýde.
