Almaty oblysy: «Úsharal - Dostyq» avtojolynda kólik qozǵalysy shekteldi
NUR-SULTAN. QazAqparat - Almaty oblysynda «Úsharal - Dostyq» avtojolynda kólik qozǵalysy shekteldi, dep habarlaıdy QazAqparat oblystyq TJD baspasóz qyzmetine silteme jasap.
««QazAvtoJol» UK AQ Almaty oblystyq fılıaly men «Qazaqavtojol» JShS Almaty oblystyq fılıaly habarlamasy boıynsha 25 jeltoqsan kúngi saǵat 22:30-dan bastap aýa raıynyń qolaısyzdyǵyna baılanysty (qatty boran, shekteýli kóriný) Respýblıkalyq mańyzy bar «Úsharal - Dostyq» avtojolynda (84-184 km, Kóktuma-Dostyq aýyly) avtokóliktiń barlyq túrleri úshin qozǵalys jabyldy», - delingen habarlamada.
Almaty oblysynyń TJD azamattardan osy baǵyttaǵy saparlardan bas tartýǵa jáne 112 qyzmeti beretin SMS habarlamalardy nazardan tys qaldyrmaýdy suraıdy.
