Almaty oblysy: Úsh adam Balqash kóliniń ortasynda qalyp qoıdy
TALDYQORǴAN. QazAqparat - Úsh adam Balqash kóliniń ortasynda qalyp qoıdy, dep habarlaıdy QazAqparat tilshisi.
Balqash kóliniń Almaty oblysyna qarasty aýmaǵynda ÝAZ avtokóligin mingen úsh adam kól ortasynda qalyp qoıǵan. Batystan soqqan jel saldarynan muz jarylyp, balyqshylar jaǵaǵa jete almaǵan.
Almaty oblystyq tótenshe jaǵdaılar departamenti baspasóz qyzmetiniń málimetinshe oqıǵa 28 naýryzda bolǵan.
«Kólde qalǵan azamattar vıdeo túsirip, áleýmettik jelilerge júktegen. Olar aýa-raıynyń qolaılyǵyn kútip, jaǵaǵa óz kúshterimen shyqqan. Úsheýi de Sarqan aýdany, Muqan Tólebaev aýylynyń turǵyndary», deıdi TJD baspasóz qyzmetiniń ókili Azamat Jurtbaev.
