Almaty oblysy turǵynynyń aýlasynan 7 kg marıhýana tabyldy
TALDYQORǴAN.QazAqparat - Almaty oblysy ІІD-niń baspasóz qyzmeti taratqan aqparatqa sáıkes, polıtseıler zańsyz esirtki aınalymyna qarsy kúresti kúsheıtti. Nátıjesinde bir kúnde esirtkiniń zańsyz aınalymyna qatysty alty tulǵa anyqtalǵan, dep habarlaıdy QazAqparat tilshisi.
Óńirdegi júrgizilgen arnaıy is-sharalar barysynda tártip saqshylary bir táýlik ishinde esirtki zattaryn óndirý, ony paıdalaný men taratýdyń alty deregin áshkerelep, kináli tulǵalarǵa qatysty isterdi óndiriske alǵan.
«Bir kún ishinde eskirtkiniń zańsyz aınalymyna qatysy bar alty tulǵa anyqtaldy. Onyń ishinde, jedel-izdestirý is-sharasy barysynda Qarasaı aýdanynyń 50 jastaǵy turǵynynyń aýlasynan baptap ósirilgen 53 túp marıhýanna ósimdigi tabylyp, tárkilendi. Aıǵaq zattyń jalpy salmaǵy jeti keli boldy. Qylmystyq zańnamaǵa sáıkes kúdiktige qatysty is qozǵaldy»,- dep habarlaıdy polıtsııa ókilderi.
Almaty oblysy Іshki ister departamentiniń statıstıkalyq málimetterine sáıkes, jyl basynan polıtseıler oblys aýmaǵynda esirtkiniń zańsyz aınalymyna qatysty 300-den astam quqyq buzýshylyqty anyqtap, tórt tonnaǵa jýyq esirtki ónimderin tárkilegen.
