Almaty oblysy turǵyndarynyń 51 paıyzyn əıelder quraıdy
TALDYQORǴAN. QazAqparat - Almaty oblysy turǵyndarynyń 51 paıyzyn əıelder quraıdy. Aımaq boıynsha memlekettik qyzmette 7549 adam bolsa, onyń 48,7 paıyzy - əıel azamattar.
Búgin bul jóninde Almaty oblysy əkiminiń mindetin atqarýshy Ləzzat Turlashov Halyqaralyq əıelder kúnine arnalǵan saltanatty jıynda məlim etti, dep habarlaıdy QazAqparat tilshisi.
Mədenıet úıinde ótip jatqan merekelik sharaǵa ər salada tabysty eńbek etip, elimizdiń órkendeýine ózinshe úles qosyp jatqan nəzik jandylarǵa qurmet kórsetildi. Birqatary oblys əkiminiń qurmet gramotalary jəne alǵys hattarymen marapattaldy. Sondaı-aq kópbalaly analar altyn men kúmisten alqa taqty.
"Qazirgi tańda qoǵamdyq ómirdiń kez kelgen salasyn əıeldersiz elestetý múmkin emes.Əıel-Ananyń qoǵamdaǵy róli erekshe.Olar otbasyna da, Otanǵa da qyzmet etýde. Myna ómirde sizderden taraıtyn shýaq eshqashan azaımasyn. Asyl qasıetterińiz məńgilik saltanat quryp, elge yrys-qut darysyn. Mereke qutty bolsyn!", - dep bildirdi izgi nıetin Ləzzat Turlashov.
Merekelik shara kontserttik baǵdarlamaǵa ulasty.
