Almaty oblysy turǵyndaryn memlekettik sýbsıdııa alyp berem dep aldaǵan alaıaq ustaldy
TALDYQORǴAN. QazAqparat - Qapshaǵaı qalasynda eki azamatsha jergilikti turǵyndardy memlekettik sýbsıdııa alyp berýge kómektesem dep aldap, olardan qomaqty qarjy alǵan. 3 derek boıynsha shyǵyn kólemi 4 mln teńgeden asty, dep habarlaıdy QazAqparat tilshisi.
Qapshaǵaı qalalyq polıtsııa bólimine shahardyń úsh turǵyny eki áıeldiń ústinen aryz túsirdi. Olar jaǵdaıy tómen otbasylarǵa shaǵyn jáne orta kásipkerlikti damytý boıynsha sýbsıdııa alyp berem dep, qomaqty qarjylaryn alyp ketken. Tártip saqshylary jedel áreket etý barysynda kúdiktilerdi anyqtap, bólimshege jetkizdi. Áıelderdiń biri Jarkent qalasynyń 44 jastaǵy turǵyny bolsa, ekinshi azamatsha 79 jastaǵy Qapshaǵaı turǵyny. Ázirge jábirlenýshiler sany úsheý. Kúdiktiler olardyń 4 mln teńgeden astam qarjysyn qoldy qylǵan. Qazirgi tańda QR QK 190 baby, alaıaqtyq deregi boıynsha tergeý amaldary júrgizilýde.
Qapshaǵaı qalalyq polıtsııa bólimi bastyǵynyń orynbasary Azamat Turǵynbaevtyń aıtýynsha, bul iske qatysy bar taǵy bir kúdikti áıel anyqtalǵan. Onyń Almaty qalasynda osyǵan uqsas qylmys boıynsha tergelip jatqany belgili boldy.
