Almaty oblysy: Turǵyndar arasyndaǵy qarýly qaqtyǵystan bir adam qaza boldy
TALDYQORǴAN. QazAqparat – Almaty oblysy Panfılov aýdany Kóktal aýylynda bir top jigitter arasynda qarýly qaqtyǵys boldy. Oqıǵa ornynda bir adam qaza bolyp, tórteýi aýrýhanaǵa túsken, dep habarlaıdy QazAqparat.
Eki jaq janjal kezinde sýyq jáne atys qarýyn qoldanǵan. Saldarynan 4 adam aýrýhanaǵa tústi. Oqıǵa ornynan 27 jastaǵy jergilikti turǵynnyń denesi tabyldy.
Keıin anyqtalǵandaı, qaqtyǵysqa onshaqty adam qatysqan. Polıtseıler olardyń aty-jónin anyqtady, onyń úsheýi tutqyndaldy.
«Tıisti saraptamalar taǵaıyndaldy. Qylmystyq kodekstiń 99, 24 jáne 293-baptary boıynsha is qozǵalǵan. Oqıǵa oblystyq Tergeý basqarmasynyń jáne departament basshylyǵynyń erekshe baqylaýynda», - dep málim etti oblystyq polıtsııa departamentiniń baspasóz qyzmeti.
Polıtsııa qylmysqa qatysy bar eki pyshaq pen úsh tegis uńǵyly ańshy qarýyn tapty. Olar aıǵaq retinde is materıaldaryna tirkelgen. Qaqtyǵystyń sebepteri men mán-jaıy anyqtalyp jatyr.
