Almaty oblysy: Tórt kúnde 200-ge jýyq adam aıyqtyrǵyshta boldy
TALDYQORǴAN. QazAqparat - 23-27 qańtar kúnderi Almaty oblysynyń aýmaǵynda polıtsııa qyzmetkerleri «Profılaktıka» jedel aldyn alý is-sharasyn júrgizip, 178 quqyq buzýshyny medıtsınalyq aıyqtyrǵyshqa jetkizgen, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń habarlaýynsha, atalǵan is-shara mas kúıde jáne otbasylyq-turmystyq salada, sondaı-aq jasóspirimder jasaıtyn qylmystardyń aldyn alý maqsatynda júrgizildi.
Іs-shara kezinde turaqty mekenjaıy anyqtalmaǵan 110 adam qabyldaý-taratý ornyna jetkizildi.
«Ákimshilik quqyq buzýshylyq týraly» Qazaqstan Respýblıkasy Kodeksiniń 132 jáne 442-baptarynyń talaptaryna sáıkes kámeletke tolmaǵandardyń túngi ýaqytta oıyn-saýyq oryndarynda júrýine jol bergeni úshin on mekeme jaýapkershilikke tartylyp, jalǵyz júrgen 254 jasóspirimniń ata-anasy men zańdy ókilderine ákimshilik aıyppul salyndy.
«Profılaktıka» jedel aldyn alý is-sharasy barysynda oblys aýmaǵynda 1 916 ártúrli ákimshilik quqyq buzýshylyq anyqtalyp, tártip saqshylary tıisti sharalar qabyldady», - dep tolyqtyrdy baspasóz qyzmetindegiler.
Esterińizge sala keteıik, biz buǵan deıin Almaty oblysy aýmaǵynda «Profılaktıka» jedel aldyn alý is-sharasy ótkizilip, úsh kúnde túnde jalǵyz júrgen 155 bala anyqtalǵany týraly habarlaǵan bolatynbyz.
