Almaty oblysy Tekeli qalasy ákiminiń apparat basshysy tergeýge alyndy
«Almaty oblysy boıynsha sybaılas jemqorlyqqa qarsy qyzmet Ulttyq qaýipsizdik komıtetiniń Almaty oblysy boıynsha departamentimen birlese, aýyr sybaılas jemqorlyq qylmys jasady degen kúdikpen Almaty oblysy Tekeli qalasy ákiminiń apparat basshysyna qatysty sotqa deıingi tergep-tekserýdi bastady.
Ol «2020 jylǵa deıin óńirlerdi damytý» memlekettik baǵdarlamasyn iske asyrý aıasynda júzege asyrylatyn Tekeli qalasynyń aýmaǵyn abbattandyrý týraly jasalǵan sharttar boıynsha Qoǵamdyq birlestiktiń dırektorynan Qoǵam qyzmetine jalpy qoldaý kórsetkeni úshin 1 500 000 teńge somasynda para alýda kúdikti bolyp otyr», - delingen Almaty oblysy boıynsha sybaılas jemqorlyqqa qarsy qyzmettiń habarlamasynda.
Qazir kúdiktige qatysty tergep-tekserý jalǵasýda. Onyń kinásiniń dárejesi týraly túpkilikti sheshimdi sot shyǵarady.