Almaty oblysy taýlarynda taǵy da órt shyqty
TALDYQORǴAN. QazAqparat - Almaty oblysynyń taýlarynda taǵy da dala órti shyqty. Kýágerler Talǵar qalasy mańyndaǵy qyzyl jalyn vıdeosyn áleýmettik jelilerge júktep dabyl qaǵa bastady, dep habarlaıdy QazAqparat tilshisi.
«Oqıǵa keshe keshkisin bolǵan. Talǵar mańyndaǵy taýlarda qurǵaq shóp órtendi. Aýmaǵy shamamen 10 gektar. Eldi mekenderge eshqandaı qaýip tóngen joq. Tilsiz jaýmen kúresýge tótenshe jaǵdaı qyzmetkerlerimen jergilikti atqarýshy bılik ókilderi jumyldyryldy. Sondaı-aq jalyndy aýyzdyqtaýǵa túnde jaýǵan jańbyr da óz úlesin qosyp, órt 21.14 tolyǵymen óshirildi», dep Almaty oblystyq tótenshe jaǵdaılar departamenti túsinikteme berdi. Sondaı-aq mamandar óńirde órt qaýipti kezeń saqtalyp turǵanyn eskertedi.
