Almaty oblysy taýlarynda eki áıel qutqaryldy
TALDYQORǴAN. QazAqparat - Respýblıkalyq jedel qutqarý jasaǵy (RJQJ) Almaty oblysyndaǵy taýlardan eki áıeldi qutqardy, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
2018 jylǵy 16 jeltoqsan kúni saǵat 11-de kezekshi-dıspetcherlik bólimshege Prosveşenets shatqalynyń aýmaǵynda 1982 jylǵy jas áıel aıaǵyn qaıyryp alǵan. Oǵan kómek qajet degen aqparat kelip tústi. Jeti adam jáne bir kınologııalyq esepten turatyn jedel-qutqarýshylar toby oqıǵa ornyna shyǵyp, zardap shegýshini taýyp, alǵashqy medıtsınalyq kómek kórsetti.
Sol kúni saǵat 14.08-de 1972 jylǵy azamatsha Kimasar shatqaly baǵytymen qozǵalý kezinde aıaǵyn syndyryp alǵan, onyń óz betinshe tómen túse almaıtyny týraly shaqyrý qabyldandy.
Qutqarýshylarǵa zardap shegýshini taýyp, oǵan jetip, sonymen qatar alǵashqy medıtsınalyq kómek kórsetip, tańǵysh qalaq salý úshin jarty saǵattan astam ýaqyt ketti. Olar eki áıeldi taýdan túsirip MAO qyzmetkerlerine tapsyryldy.
RJQJ qutqarýshylary qys mezgili kezindegi taýdaǵy qaýipsizdik erejelerin eske salady. Tańdaǵan baǵytty josparlaý kezinde yqtımal qaýip-qaterdi muqııat baǵalap, aldyn ala aýa raıy sharttaryn bilgen abzal. Sondaı-aq tek jolserikpen nemese týrıstik toppen birlesip qana taýǵa shyqqan jón.
