Almaty oblysy Talǵar aýdanynda laı kóshkini júrdi
TALDYQORǴAN. QazAqparat - Almaty oblysy Talǵar aýdany mańynda laı kóshkini boldy, dep habarlaıdy QazAqparat oblystyq Tótenshe jaǵdaılar departamentine silteme jasap.
«04.05.17 jyly saǵat 11:30-da Almaty oblysy Talǵar aýdany Talǵar-Besqaınar kúrejolynan 7 shaqyrym, eldi mekennen 4 shaqyrym qashyqtyqta laı kóshkini júrgeni týraly aqparat kelip tústi. Mamandar tekserý barysynda kóshkin 4000 sharshy metrdi quraǵanyn anyqtady. Laı kóshkini bókterde toqtaǵan. Japa shegýshiler men kisi ólimi bolǵan joq», - delingen baspasóz baıanynda.
