Almaty oblysy Sarqan aýdanynda bes jastaǵy balanyń máıiti qoqystan tabyldy

TALDYQORǴAN. QazAqparat - Almaty oblysy Sarqan aýdanynda bes jastaǵy balanyń máıiti qoqystan tabyldy, - dep habarlaıdy QazAqparat tilshisi.

Polıtsııanyń aqparatyna sáıkes, balanyń múrdesi Sarqan qalasyndaǵy kirpish shyǵaratyn zaýyttyń mańyndaǵy qoqystan tabylǵan. Bala aldyn ala boljam boıynsha, 4-5 jasta. Boıy - 90-100 sm.

Balanyń basy shamamen bes metr jerden tabylǵan. Boljam boıynsha, ol qyz bala bolýy múmkin. Qazir múrde máıithanaǵa saraptama jasalý úshin jiberilgen.

«Balanyń óli denesi qoqystan tabylǵanyn rastaımyn. Sarqan aýdandyq polıtsııasyna bala joǵaldy degen shaǵym túspegen. Bul ispen polıtsııa aınalasyp jatyr»,- delingen Sarqan aýdany ákiminiń baspasóz qyzmetiniń QazAqparat tilshisine bergen jaýabynda.