Almaty oblysy polıtsııasynyń arnaıy jasaǵy 3 altyn medal jeńip aldy
TALDYQORǴAN. QazAqparat - Almaty oblystyq ІІD jedel áreket etý arnaıy jasaǵynyń jaýyngerleri úzdik atandy. Olar Semeıde djıý-djıtsýdan ótken Qazaqstan chempıonatynda 3 altyn medaldi qanjyǵalady, dep habarlaıdy QazAqparat tilshisi.
Ártúrli salmaq sanatyndaǵy jekpe-jekte arnaıy maqsattaǵy ofıtserler Qýandyq Esenov, Mádı Dosmuhamedov pen Erjan Ádilbek jeńimpaz atandy. ІІD basshylyǵy oblystyq polıtsııa qyzmetkerleriniń jedel keńesinde JQAJ jaýyngerlerine qoldaý kórsetip, olarǵa estelik syılyqtar tapsyrdy.
«Polıtsııadaǵy sport - bul óte mańyzdy. Búgingi tańda zamanaýı polıtsııa qyzmetkerin sportsyz elestetý múmkin emes. Ásirese bizdiń arnaıy maqsattaǵy jaýyngerler úshin sport birinshi orynda bolý qajet. Olardyń kópshiligi túrli dárejedegi sport sheberleri atanǵan. Ulttyq chempıonatta bizdiń Departamenttiń namysyn qorǵaǵan jigitterge qurmetimiz erekshe»,- dep atap ótti oblystyq polıtsııa bastyǵy, general-maıor Murat Urumhanov.
